Ni Alfonso T. Ruda
DIPOLOG CITY, JULY
26(PIA)---Taliwala
sa nagakainit nga tensiyon tali sa mga manag-silingang nasod nga nangangkon sa
West Philippine Sea, kompiyansa gihapon ang Pilipinas nga maresulbar ang isyo
sa diplomatikanhong paagi.
Sa
gipahigayong press briefing sa Malakanyang, gipahayag ni Presidential
spokesperson Edwin Lacierda naglaum ang Pilipinas nga makaangkon ra kini ug
patas ug diplomatikanhong solusyon sanglit gipanday naman karon sa Association
of Southeast Asian Nations ang Code of Conduct on the West Philippine Sea.
“Nagpahayag
usab ug pagpabor ang Tsina sa “mutual ug diplomatikanhong solusyon, busa
naglaum usab kami nga samtang nagpanday pa kami sa Code of Conduct, amo usab
ipakita ang pagpugong sa duha ka nasod ug among ipabilin ang diplomatikanhong
lakang padulong sa resolusyon sa di-pagsinabtanay may kalabutan sa Panatag Shoal,”
matod pa ni Lacierda.
Midugang
pa siya nga ipadayon sa Pilipinas ang polisiya sa “de-escalation” aron pagpahupa
sa tensiyon sa lugar.
“Layo
pa kita sa kimba sa armadong panag-engkuwentro. Magpadayon kita sa malinawong
diskusyon uban sa atong mga counterparts ug amo kining gihimo sa diplomatikanhong
paagi ug atong ipabilin ang polisiya sa “de-escalation,” matod pa ni Lacierda.(ATR/PCOO/PIA9-Zambo Norte)