Sa iyang pakigpulong sa ika-21 nga anibersaryo sa Bureau of Jail Management and Penology nga gipahigayon sa Camp Crame dakbayan sa Quezon ning Lunes, ang Presidente nagkanayon nga ang tanang mga Pilipino mohatag ug kaseguruhan nga ang correctional system makadala sa tinuod nga kausaban sa kinabuhi sa mga piniriso nga mga masulub-on sa prisohan tungod sa mga krimen nga ilang nahimo.
“Dili mahuman ang hustisya sa silot; dili
matul-id ang sayop sa pagyatak sa katungod sa mga kaigsoonan nato nga naa sa bilangguan.
Isip mga responsable nga naggiya sa mga binilanggo, atong himoon ang tinuod nga
sinugdanan sa pagbabag-o sa sistema sa bilanggoan,” dugtong pa niya.
Dugang pa niya nga sa duha ka tuig sa
iyang administrasyon, ang pagpalambo sa abiliad sa BJMP pag-amuma sa mga mga
piniriso pinaagi pagpalambo sa
imprastraktura ug ekipo mao ang nanag-una sa iyang listahan.
Lakip na nga gipalambo mao ang msounod: ang
pagtukod sa dugang nga 47 prison
buildings aron nga mapahimutang ang 69,735 nga mga binilanggo sa kapupud-an sa
nasud ug ang computerization sa jail
records ilawom sa National Inmates Monitoring System (NIMS).
Dugtong pa niya nga ang P500 milyones
gipahat na alang sa pagtukod sa 2,000 nga housing units alang sa mga kawani sa BJMP
ug Bureau of Fire Protection samtang ang mga miretiro nga mga kawani ang maka-withdraw
sa ilang pension pinaagi sa ilang bank accounts via ATMs (automated teller
machines).
Iyang gi-awhag ang BJMP nga motabang sa mga paningkamot sa kagamhanan pagwagtang sa borokrasya pinaagi sa mga nagkalain-laing reporma nga gipatuman ug tinuod nga instrumento sa kausaban. (GCC/PCOO/PIA9-ZamboSur)