PAGADIAN CITY, July 10 (PIA)
– Si Budget
and Management Secretary Florencio “Butch” Abad mipadayag sa 10.5 porsiento nga
pag-uswag sa sa giplano nga National
Expenditure Program alang sa fiscal year 2013 kinsa naghatag ug nanag-una nga
pundo alang sa mga mahinungdanon nga programa nga makasulbad sa kawad-on,
pagpalambo sa ekonomiya ug maghatag gahum sa katawhan ilabi na ang kabus.
Sa usa ka press release nga gipagula sa Department of Budget and
Management (DBM) human sa iyang briefing
uban ang mga ginsakpan sa media sa Malakanyang ning Martes, si Secretary Abad nagkanayon
nga ang pinakadako nga pahat kon 34.8 porsiento sa giplano nga P2.006-trilyones nga giplanong budget adunay tumbas sa P698.4 bilyones pesos
ang gigahin lang sa Social Services nga mosuporta sa pagkunhod sa kawad-on sa 16.6
porsiento sa tuig 2016. Kini nga pahat mao ang 13.9 porsiento nga
taas pa sa sektor nga P613.4 billyones nga budget sa 2012.
Ang economic
manager nagkanayon nga ang pahat nagsuporta sa pagtakop sa kakulangon sa mga
kahinguhaan sa basic education sa sunod tuig; ang coverage sa 5.2 milyones nga
kabus nga mga panimalay ilawom sa National Health Insurance Program; ang
pagtukod sa 103,000 nga makab-ot nga housing units alang sa informal settlers sa
makuyaw nga daptit sa mga sundalo, pulis ug uban pang naka-uniporme nga kawani,
ug uban pa; ug ang coverage sa 3.8 milyones nga kabus nga panimalay ilawom sa Pantawid
Pamilyang Pilipino Program (4Ps).
Ang budget naghatag
sa kamahinungdanon sa Economic Services kinsa mopalambo sa pagtinguha sa nasud
nga maangkon ang paglambo sa a gross domestic product (GDP) sa unom ngadto sa
siyete porsiento ug pagmugna ug dugang mga mga trabaho ug mga kahigayonan sa
panginabuhian alang sa katawhang Pilipino.
Sa giplano nga 25.5 porsiento kon P510.9 bilyones nga gahin gikan
sa nakalabay nga tuig nga pahat sa budget, ang sectoral allocation miuswag sa 16.4
porsiento gikan sa P439.0 bilyones sa 2012.
Ang pahat nagsuporta sa rehabilitasyon ug pagkonkreto sa tanan nga
mga nanag-una nga mga dalan sa 2014 ug tanang mga ikaduha nga mga dalan ug
tulay sa tuig 2016; ang pagbaton sa 20
milyones nga metrikong tonelada nga palay aron nga maangkon ang daghan nga
humay sa sunod tuig; ang pagkabaton sa 5.53
milyones nga tourist arrivals sa 2013 ug 10 milyones sa 2016; ug pag-apod-apod
sa 360,000 ektrya nga yuta ilawom sa agrarian reform sa 2013.