ni Claro A.
Lanipa
Pagadian
City, July 20 (PIA) – Matod pa ni
Interior and Local Government Secretary Jesse Robredo nga 70 hangtod 80 porsiento sa 1,700 ka mga kagamhanang lokal
sa nasud ang andam kon adunay mahitabong bagyo ug ubang mga kalamidad sa ilang
komunidad.
Kining
pamahayag ni Robredo kabahin sa iyang taho ngadto kang Presidente Benigno Aquino
III atol sa gipahigayon “Tapatan Roadshow sa Disaster Preparedness and Climate
Change Adaptation” sa National Capital Region (NCR) bag-o pa lang.
Ang
Presidente mao ang pinasidunggang bisita ug mamumulong sa maong usa ka adlaw
forum nga gipangulohan sa DILG – NCR.
Gitaho
ni Robredo nga 92% kon 1,580 sa mga LGUs adunay kaugalingon sa gitawag area-wide
warning and alarm system, 78% kon 1,334 sa mga LGUs adunay organisadong
emergency response, rescue and medical teams, samtang 86% kon 1,473 adunay
evacuation centers.
Gitaho
usab niya nga 6,775 ka mga LGUs lakip ang mga barangay gimugna na sa ilang
Disaster Risk Reduction and Management Councils (DRRMCs), diin 2,739 kanila
adunay functional DRRM plans.
Taliwala
sa nagpadayon tinguha sa DILG sa pagpahigayon sa Tapatan, ang NCR Tapatan, isip
ang ika 13 nga forum nga gipahigayon sa tibuok nasud, ang hepe sa DILG malaumon
nga daghan pa sa mga LGUs ang nagpatuman sa maong mga lakang aron mahimo ang
ilang komunidad luwas sa mga katalagman.
“Mainitong
paglaom nako nga sa umaabot nga bulan daghang mga LGUs ang mopadayag, “andam na
kami,” miingon si Robredo.
Matod
pa sa kalihim, ang iyang departamento naglusad sa “Seal of Disaster
Preparedness” isip insentibo sa mga LGU kinsa mopakita ug maayo ug talagsaong
pagpatuman sa disaster preparedness and climate change nga programa sa kagamhanan.
“Sa
dili pa matapos ang tuig, atong ihatag ang seal ngadto sa mga nahitakus ug
angayan nga LGUs, dugtong pa ni Robredo. (DILG/CAL/PIA9)