ni Franklin P. Gumapon
DIPOLOG CITY, June 15 (PIA) - - Subling gipasalig ni Pangulong Benigno
Simeon c. Aquino III karong bag-o nga sulbaron sa hinigala ug malinawong
pamaagi ang panagbangi sa Pilipinas ug
China nga may kalambigitan an gang Scarborough Shoal.
Sa iyang mensahe atol sa ika 37 nga kasumaran sa diplomatikanhong
relasyon tali sa Pilipinas ug China nga gipahigayon sa Manila Hotel, si
Pangulong Aquino nakadayeg sa nasud sa China sa tinguha niini nga magpabilin
ang kalinaw sa rehiyon alang sa kaayohan sa tanan.
“Nakahibalo ko nga daghan ang nagpakabana sa kahimtang sa West Philippine
Sea diin ang Pilipinas ug China naningkamot nga masulbad sa malinawon nga
pamaagi,” namahayag ang Pangulo nasud.
Dugang pa sa Pangulo nga giila sa duha ka mga nasud nga mahinungdanaon
ang kahapsay ug kalinaw sa rehiyon dili lamang alang sa kabulahanan sa katawhan
sa Pilipinas ug China kon dili sa tibook kalibutan.
Giaw-hag usab ni Pangulong Aqyuino ang mga Pilipinhon ug ang may dugong insik nga motabang alang sa
kaayuhan sa tanan.
“Busa kinahanglan nga ipadayon ang pagpalig-on sa kooperasyon tali sa duha
ka nasud aron atong makab-ot ang usa ka malambo-on ug malinawon nga rehiyon,”
panapos sa Pangulo nasud. (FPG/PCOO/PIA-Zamboanga del Norte)