ni Alfonso T. Ruda
DIPOLOG CITY, JUNE
27(PIA)---Gidepensahan
sa Malakanyang ang disisyon sa Bangko Sentral ng Pilipinas nga pagpahulam ug 1
ka bilyon ka dolyar sa International Monetary
Fund (IMF) aron gamiton pagtabang sa mga nasod, ilabi na kadtong atua sa Europa
nga naapektuhan sa krisis sa kalibutanong ekonomiya.
Sa
usa ka briefing sa Malakanyang, ang tigpamaba sa Palasyo nga si Edwin Lacierda
nagkanayon nga atong interes nga tabangan ang daghanang mga trabahanteng Filipino
nga tua nagpuyo ug nagtrabaho sa Europa.
Midugang
pa si Lacierda nga ma-apaketuhan ug dako ang mga OFWs kon padayong mahugno ang ekonomiya
sa nasod diin sila nagpuyo ug nagtrabaho.
“Atong
interes nga panalipdan ug tabangan ang ilang ekonomiya tungod kay duna kitay
daghang mga kaigsoonang Filipino nga tua didtong dapita,” matod pa ni Lacierda.
“Ang
tan-awon na lang nato nga kung mahugno. Kung ang simpleng pagkahugno sa dolyar
batok sa peso, daghan na ang nabalaka, unsa na kaha kung kalit lang mawala ang
atong mga OFWs didtong dapita ug gipapauli dinhi sa Pilipinas tungod kay wala
nay ikahatag nga trabaho ang Espanya ug Italya?” dason pa ni Lacierda.
Iya
pang gipasalig sa mga Filipino nga ang pagpahulam dili usa ka pag-usik-usik sa
kwarta, tungod kay nagtumong man kini nga tabangan ang ubang mga nasod nga
nanginahanglan.
“Wala
nato kini gisayang. Wala nato usik-usiki ang atong kwarta. Utang kini. Bayran
kita sa IMF, apan dili pinaagi sa kwarta. Ila kitang tabangan tungod kay ila
usab nga tabangan ang ekonomiya sa Europa,” matod pa mi Lacierda.(ATR/PCOO/PIA9-Zambo Norte)