Malakanyang mipahimangno sa mga eskwelahan mahitungod sa mga ginikanan nga pangayoan ug illegal fees

Ni Gideon C. Corgue

PAGADIAN CITY, June 4 (PIA) – Ang Malakanyang subli nagpahibalo ning Domingo nga ang mga ginikanan sa mga estudyante sa kindergarten hangtud sa grade IV ang dili pabayron sa unsa man nga bayronon sa eskwelahan nga gimando sa Department of Education Department Order.

Sa usa ka press briefing nga gisibya sa dzRB Radyo ng Bayan, si Deputy Presidential Spokesperson nagkanayon nga si bisan kinsa nga kawani sa tulunghaan man o ang Parent-Teachers Association, mapamatud-an nga sad-an batok sa maong department order ang pagasilotan.

“Walay bayad ang pangayuon gikan sa mga nagtunghang kabataan gikan sa kinder pataas sa Grade IV sa bisan unsang panahon ug hangtud sa kinatibuk-

ang tuig,” matud pa ni Valte.

Hinoon iyang giingon nga ang mga bayronon sa eskwelahan, sama sa Boy Scouts, Girls Scouts, Philippine National Red Cross, school publications, anti-TB fund drive ug PTA, mahimo nga kolektahon sa boluntaryo nga pamaagi sa  schoolchildren gikan sa Grade V ngadto sa Fourth Year high school.

Iyang gihatagan ug gibug-aton nga ang dili pagbayad sa mga tinun-an sa mga nasangpit nga voluntary fees dili mao ang hinunungdan sa dili pagdawat, dili-pagpromote ug dili pag-issue sa mga clearances.

‘Ang mga PTA nga pugsanong himoon ang maong butang mawad-an ang sa ilang recognition. Ug ang mga kawani sa tulunghaan nga dili mopasulod tungod sa dili pagbayad sa mga nahisgutang balayronon ang silotan sa DepEd,” dugtong pa niya. (GCC/PIA9, ZamboSur)