By Alma L. Tingcang
PAGADIAN
CITY, June 14 - - - Gihupay sa Malacanang ang kabalaka sa publiko kalabot sa
implementasyon sa K+12 program ug miingon nga ang Department of Education mipasalig nga ang mga gikinahanglang
preparasyon gihimo na alang sa malampusong pagpatuman niini karong tuiga.
Usa
ka magbabalaod midason nga dili una ipatuman ang implementasyon sa maong
programa tungod kay kulang ang preparasyon nga gihimo sa DepEd labi na sa mga
libro, classrooms ug training alang sa mga magtutudlo.
Sa
usa ka press conference nga gipahigayon didto sa Malacanang, si Presidential
Spokesperson Edwin Lacierda miingon nga naghisgot sila sa K+12 program kauban
ang mga school officials sa Bulacan ug nga natapos na ang malampusong pagbansay
sa mga magtutudlo alang sa maong programa.
Ang
programang K+12 usa ka kabag-ohan diha sa DepEd aron pag-comply sa kasabotan nga kinahanglan
ang nasod magbaton ug 12-year basic education.
Ang
mga Pilipinong propesyonal dili dawaton pagpanarbaho kung dili mo-comply ang
Pilipinas sa maong requirement, matod pa ni Lacierda. Giasoy usab niya ang
Bologna accord nga adunay susamang panginahanglan.
“Kining duha
ka kasabotan, mga international treaties kini. Wala pa kita mopirma tungod kay
wala pa man kita naka-comply sa mga rekisitos nga gipangayo sa maong kasabotan.
Busa importante alang kanato nga motuman sa maong kasabotan alang sa
pagpanarbaho sa ubang nasod,” si Lacierda miingon.
Sa
pagkakaron, adunay kakulangon nga 50,000 classrooms, ug ang 20,000 niini
pagatukuron sa local government units ug and nahibilin nga 30,000 i-bidding sa
kagamhanan pinaagi sa public-private partnership (PPP) ubos sa DepEd.
Gawas
sa pag-comply sa international standards, importante ang K+12 tungod kay maghatag kini ug kahigayonan sa
mga estudyante nga makakita dayon ug trabaho sa higayon nga dili una sila
mo-enroll sa kolehiyo, dugang pa ni lacierda.
Ang
kagamhanan mipirma ug daghang mga kasabotan tali sa mga business organizations
pinaagi sa Philippine Chamber of Commerce and Industry alang sa pagpasulod ug
trabaho sa mga mogradwar ubos sa K+12 program, nagkanayon si Lacierda.
(ALT-PIA9/Zambo Sur)
