Sa iyang pakigpulong sa ika-37 nga anibersaryo sa Philippine-China Diplomatic Relations nga gipahigayon sa Manila Hotel ning Miyerkoles sa gabii, ang Presidente nagkanayon nga ang serbisyo sa mga Tsino, produkto ug mga trabaho nga gimugna alang sa mga Pilipino ang mapuslanon sa kasamtangan nga pag-uswag sa ekonomiya.
Ang pag-uswag, ang Presidente nagkanayon nga nahilakip sa 6.4 porsiyento nga pag-uswag sa gross domestic product atol sa unang quarter sa 2012 ug ang Philippine Stock Exchange Index nga moabot ang hataas nga pagtala sa 27 ka higayon sa administrasyong Aquino nga 23 ka bulan sa iyang pagkatukod.
Ang Presidente nagkanayon nga ang mga kalampusan ang wala maailingati sa international business arena sanglit ang ahensya sa credit rating sama sa Moody ang nakapausab sa panglantaw sa credit rating sa nasud gikan sa pagkalig-on ngadto sa pagkapositibo; nagdala ngadto sa pito ang positibong rating actions nga gihatag sa nasud dihang siya ang nangatungdanan.
Ang World Economic Forum’s Global Enabling Trade Report nga nagsukod sa kasayon paghimo sa negosyo, ang mitala sa Pilipinas sa 20 puntos nga hataas gikan sa ika-92sa 2010 ngadto sa ika-72 sa 2012, samtang ang Japan External Trade Organization kinsa human nga mihimo sa survey sa mga kompanya sa rehiyon mingalan sa Pilipinas nga mao ang pinakamaayo nga dapit nga tukuran sa negisyo sa Asia/Oceania region kini sa manufacturing ug sa serbisyo.
“Kining tanan ang atong nakab-ot, atong nakab-ot uban sa inyong tabang ug mga serbisyo, uban sa inyong mga produkto, uban sa inyong mga trabaho nga gimugna alang sa atong mga katawhan, ug sa inyong matinud-anon nga suporta alang sa inyong nasud,” ang Presidente nagkanayon.
Nanawagan siya sa Filipino-Chinese community magpadayon ning maong pagtinambayayongay kansang mga kaayuhan ang makatabang sa atong mga katawhan.
“Atong ipadayon kining panagtimbayayongay tungod kay samtang kita ang makatagamtam sa mga kalampusan nga atong gitrabaho, kita ang nakigharong sa daghang hagit. Gikinahanglan nato nga magdungan sa pagtindog samtang kita ang nagtan-aw sa atong kaugmaon,” matud pa sa Presidente. (GCC/PCOO/PIA9-ZamboSur)