Tighimo ug bandila sa Pilipinas andam sa ika-114 nga kasaulugan sa Independence Day

Ni Gideon C. Corgue

PAGADIAN CITY, May 28 (PIA) – Samtang ang kasaulugan sa ika-114 nga anibersaryo sa Philippine Independence Day sa Hunyo 12 nagkaduol, ang mga tighimo sa mga bandila andam na sa daghan nga mga order sa nasudnong bandila sa tibuok nasud.

Ang nasud magsaulog sa National Flag Day sa Mayo 28 matag-tuig aron pagsasaulog sa petsa dihang ang bandila sa Pilipinas ang unang gibuklad human nga ang Philippine Revolutionary Army ang mipildi sa pwersa sa Espanyol sa Battle of Alapan sa Imus, Cavite sa tuig 1898.


Ang kasaulugan gipalungtad ngadto sa Hunyo 12 ang Philippine Independence Day, ug ang katawhang Pilipino gidasig nga mohikyad sa bandila sa Pilipinas sa tanang mga buhatan, ahensya  ug instrumentalities sa kagamhanan, business establishments, tulunghaan ug pribado nga panimalay ning maong panahon nga sila ang mosunod sa balaod nga nagmando sa tukma nga paggamit ug paghikyad nga gimando sa Akta Republika No. 8491 kon gitawag nga the Flag and Heraldic Code of the Philippines.


Usa sa mga mahinungdanon nga petsa kasaysayan sa Pilipinas mao ang Hunyo 12, 1898 tungod kay kini ang nagsaulog sa kagawasan gikan sa sobra sa 300 ka tuig nga pamunoan sa Espanyol.


Ang kasaysayan nagpakita nga ang unang bandila sa Pilipinas gidesenyo ni Gen. Emilio Aguinaldo ug gitahi ni Doña Marcela Marino de Agoncillo, Lorenza Agoncillo, ug Delfina Herbosa de Natividad sa Hong Kong saw ala pa ang proklamasyon sa kagawasan sa Pilipinas.


Ang bandila nga gihimo sa sinaw nga panapton nga sida nga gipalit ni Dona Marcela sa Hong Kong ug gibordahan sa bulawan ug may budlis nga asul ug pula ug puti nga triyanggulo nga adunay adlaw ug tulo ka mga bitoon.