Ni Jocelyn P.
Alvarez
ZAMBOANGA
CITY, May 07, (PIA) - - Gihikayat sa National
Food Authority (NFA) dinhi ang mga mang-uuma sa humay na maningkamot sa
pagpalambo o pagpataas sa ilahang ani sa humay.
Base sa record sa NFA atung
miaging tuig, ang mang-uuma diri sa syudad maga hatag lamang og 18% nga suplay
sa bugas, rason haron ang opisina mupalit ug bugas nga gikan pa sa silingang probinsya sama sa Zamboanga Del Sur, Zamboanga Sibugay, hangtud sa General
Santos City, Ilo-Ilo, Cotabato ug Manila.
Matud pa sa NFA Provincial
Manager Gaudencio Nuega Jr. sa 98 ka barangay sa syudad, lima lamang ni ini ang
nananum ug humay sama sa barangay Manicahan, Talisayan, Curuan, San Ramon og
Talisayan.
Si Nuega miingon nga ang
Zamboanga dili usa ka “manananum og humay” nga syudad, og matawag nga usa ka “kritikal”
nga lugar kung bahin sa rice production ang paga basehan.
Matud pa ni Nuega , ang
populasyon sa syudad maga kunsumo og 6, 196 ka sako sa bugas kada adlaw.
Si
Nuega miingon nga kinse porsyento NFA
rice ang maong isuplay sa opisa ngadto sa merkado, samtang 85 porsyento niini
magagikan sa commercial sellers. (JPA/ PIA9 –ZBST)