ni Claro A.
Lanipa
Pagadian
City, May 22 (PIA) – Isip pagpangandam sa pagbukas sa mga klase karon bulan sa Junyo,
gimandoan ni Interior and Local
Government Secretary Jesse Robredo ang Bureau of Fire Protection (BFP) aron sa
paghimo’g inspeksyon sa tanang
tulunghaan, unibersidad, kolehiyo lakip mga dormitoryo ug boarding houses aron
sa pangusisa kon mituman sila sa fire safety requirements and standards.
Sa
usa ka direktiba ngadto ni BFP Officer-in-Charge C/Supt. Samuel Perez, si
Robredo miingon nga ang fire bureau maoy mag-una sa pagpatuman sa fire
prevention and safety sa mga tulunghaan ug dormitory aron maseguro nga luwas
ang minilyon ka mga tinun-an nga motungha sa ilang klase sa sunod bulan.
Sayo
ning tuig, usa ka sunog nahitabo sa usa ka dormitoryo sa mga estudyante sa Sampaloc,
Manila diin mokabat sa usa gatos ka milyon nga kabtangan ang nadaut. Walay si
bisan kinsa ang namatay sa maong insidente.
Isip
pagpatuman sa direktiba ni Robredo, si Perez miingon nga iya na gimandoan ang
tanang regional ug field directors aron sa pagsusi ang tanang unibersidad,
kolehiyo, ug boarding houses sa mga tinun-an sa ilang tagsa-tagsa nga dapit kon
nagsunod kini sa mandatory requirements ubos
sa Fire Code Law.
Tali
sa mga gikinahanglan mao: ang presensya sa fire alarm, automatic fire suppression
system (AFSS), smoke detector, exit signs, first aid kit, fire extinguisher, ug
agianan padulong sa fire exit nga kinahanglan sayon tultulon sa mga nagpuyo sa
maong balay-patigayon.
Matod
pa sa hepe kon ang ilang buhatan makit-an nga adunay paglapas sa fire safety,
diha-diha mopahibalo kini sa nagdumala sa unibersidad, kolehiyo ug dormitoryo
nga koreksyonan gilayon ang maong paglapas o kakulangon.
Dugtong pa niya, ang mga balay-patigayon nga adunay paglapas pagahatagan ug panahon
aron ayohon o koreksyonan ang kakulangon sa dili pa ang BFP mopahigayon na usab
ug inspeksyon aron sa pagsusi kon ang maong paglapas natuman na.
Mga
regional directors kinahanglan mosumbitir sa report sa violations and
compliance ngadto sa Director sa Fire Safety and Prevention sa dili pa ang Mayo
25, 2012.
Gimandoan
usab ni Perez ang mga personahe sa pagpalad sa ilang kampanya mahitungod fire
safety awareness pinaagi sa pagpahigayon sa mga lectures, fire drills ug sa
pag-apod-apod sa fire safety materials.
“Mopahigayon kame sa among evaluation sa hingpit gayud, bisan pa sa mga gagmay
nga paglapas kay ang pinaka-importante mao ang kaluwasan sa atong katawhan,
miingon siya.” (DILG/CAL/PIA9)