ni Alfonso T. Ruda
DIPOLOG CITY, MAY
25(PIA)--- Ang
problema sa “job mismatches” o ang phenomenon diin ang mga bag-ong migradwar
dili makakita ug trabaho gumikan sa sobra na pagkapuno sa industriya nahatagan
na ug kasulbaran pinaagi sa gipahigayong National Career Advocacy Congress
niadtong Huwebes sa Manila.
Sa
iyang pagpakigpulong, gidayeg ni Presidente Benigno Aquino III ang mga partisipantes,
mga guidance counselors, ug mga stakeholders sa paggahin ug panahon aron magpanday
ug mga plano ug programa nga magamit aron giyahan ang mga estudiante pagpili ug
tukmang kurso nga mogarantiya kanila ug mas lig-ong trabaho human sa
gradwasyon.
“Saludo
kami sa DOLE (Department of Labor and Employment),
DSWD (Department of Social Welfare and Development), DepEd (Department of
Education), CHED (Commission on Higher Education), TESDA (Technical Education
and Skills Development Administration), PRC (Professional Regulation
Commission) at DOST (Department of Science and Technology) sa pagpahigayon ug National Career Advocacy Congress,” matod pa
ni Presidente Aquino.
“Nagsilbi
kining paglusad sa mga plano ug programa nga mag-andam sa kaugmaon sa mga
kabataang Filipino. Daghang salamat sa atong mga guidance counselors sa paggiya
sa atong mga kabataan padulong sa ilang pag-asenso. Pinaagi sa inyong tabang,
malikayan nato ang diha-dihang pagsulod sa gubat nga wala namay trabahong
malauman,” dason pa ni Aquino.
Ang
National Career Advocacy Congress mao ang flagship activity sa Career Guidance
Advocacy Program, usa sa upat ka convergent programs ilalom sa Human
Development and Poverty Reduction Cabinet Cluster sa padayong pagpangita ug
kasulbaran sa isyo sa job-skills mismatch sa merkado sa pamuo.
Ang
CGAP usa usab ka duha-ka suwab nga programa nga nagtumong pagsulbad sa problema
sa aspeto sa pamuo ug Employment Plan sa 22-point labor and employment agenda
sa administrasyong Aquino.
Uban
ang temang “Follow the guide. Tag a career. Like the Future,” tinguha sa NCAC
nga magbayloay ug mahinungdanong impormasyon kabahin sa pamuo ug kalambuan sa pagpahigayon ug career
guidance activities; pagkuha ug mga bag-ong ideya sa organizational management
on network sustainability og fguidance counselors ug pag-ila sa talagsaong
binuhatan ug mga maayong praktis sa career guidance ug paglig-on sa partnership
ug kooperasyon tali sa mga membro sa Networks of Guidance Counselors ug uban
pang hingtungdan pinaagi sa pagtinabangay ug pagbinayloay ug impormasyon ug
pagpromote sa career guidance isip mahinungdanong hinagiban sa kalambuan sa mga
batan-on, ug pagtampo sa pagpalambo ug kaayuhan sa nasod.(ATR/PCOO/PIA9-Zambo Norte)