ni Alfonso T. Ruda
DIPOLOG
CITY, MAY 17(PIA)--- Opisyal nang gideklarar ni Presidente Benigno Aquino III
ang Hunyo 6, 2012 nga natunong sa adlawng Miyerkules, isip usa ka Special
Non-Working Holiday sa lalawigan sa Zamboanga del Norte isip pagtimaan sa
ika-60 ka tuig anibersaryo sa pagkahimugso niining usa ka lalawigan.
Ang
Hepe Ehikutibo nag-isyo sa deklarasyon numero 380 ug gipirmahan ni Executive
Secreetary Paquito Ochoa Jr., niadtong Mayo 14 aron hatagan ug kahigayonan ang
tanang taga-Zamboanga del Norte ug kahigayonan aron saulogon ug mosalmot sa
tanang kalihokan nga ipahigayon sa maong okasyon.
Mahinumdoman,
nga si kanhi Zamboanga Representative Roseller Lim miduso ug balaodnon sa Ubos
Balay-Balaoranan nga nagbahin sa Zamboanga ngadto sa duha ka lalawigan- ang
Zamboanga del Norte ug Zamboanga del Sur.
Niadtong
Hunyo 6, 1952, ang balaodnon nahimong hingpit nga balaod nga mao ang Akta
Republika 711 nga nagpakatawo sa Zamboanga del Norte uban ang Dakbayan sa
Dipolog isip iyang kabisera ug Zamboanga del Sur uban sa Dakbayan sa Pagadian
isip iya usab nga kabisera.(ATR/PCOO/PIA9-Zambo
Norte)