ni Alfonso T. Ruda
DIPOLOG CITY,MAY
15(PIA)---Malipayong
gidawat ni Presidente Benigno Aquino III ang planong pagpaubos sa sektor sa transportasyon
sa pletehan sa mga pampublikong sakyanan human ang mga kompaniya sa lana mipaubos
usab sa presyo sa mga produktong petrolyo.
Sa
iyang pagpakigpulong sa National Transport Conference nga gipahigayon sa
Marikina Hotel and Convention Center, ang Presidente nagkanayon nga ang
gipakita sa grupo maoy simbolo sa ilang pagbati sa kahimtang sa ordinaryong
tawo.
“Saludo
ako sa inyong pagrollback sa pletehan, sa pagbalik ninyo ngadto sa 8 pesos nga
pletehan gikan sa P8.50,” ang Presidente nagkanayon.
Iyang
gidayeg ang grupo nga gipanguluhan sa A-1 United Transport Koalisyon (1-Utak)
ug sa mga membro niini nga nagkasabot pagpaubos sa pletehan.
“Walay
ilisay, walay tuluray, walay singhagay, migawas kini nga walay nagsugo, migawas
kining sakripisyo ninyo sa inyong isig ka Filipino. Balit-ad ang 1-Utak sa
alimango, nakatutok kamo sa nagkahiusang paglambo sa katawhang Filipinhon,” ang
Presidente nagkanayon.
1-UTAK
ug mga membro niini nga gilangkuban sa Federation of Jeepney Operators and
Drivers Association of the Philippines, Alliance of Transport Operators and
Drivers Association of the Philippines ug Liga ng Transportasyon at Opereytor
sa Pilipinas Inc., mipresentar sa ilang manipesto kang Presidente Aquino atol
sa kalihokan nga nagsimbolo sa kasabutan
alang sa diha-dihang pag-ubos sa pletehan sa mga pampublikong sakyanan.
Ang
land Transportation Franchising and Regulatory Board (LTFRB) nagkanayon nga ang
minimum fare nga 8 pesos mo-epekto karong Martes, Mayo 8 human nga gipirmahan
niini ang kamanduan alang sa automatic rollback sa pletehan sa dyip nga unang
gisaka sa P8.50.(ATR/PCOO/PIA9-ZamboNorte)