ni Alfonso T. Ruda
DIPOLOG CITY,APR. 3(PIA)--- Ang satisfaction rating ni Presidente Benigno Aquino III sa labing ulahing survey sa Social Weather Station nagpakita sa padayong suporta ug katagbawan sa publiko sa binuhatan sa Hepe Ehikutibo.
Ang pahayag giluwatan ni Deputy Presidential spokesperson Abigail Valte human migawas ang resulta sa SWS survey nga nagpakita nga daghang mga Filipino ang nagtoo nga nagsilbi lang si Presidente Aquino sa interes sa Middle Class.
“Ang satisfaction rating ni Presidente Aquino nagpabiling Very Good sa Class A,B,C ug E ug nagsugyot kanamo nga nasabtan sa Middle Class ang “external reasons” sa pagsaka sa presyo sa lana, samtang ang Social Safety Nets sa administrasyon padayong naglihok sa Class E,” matod pa ni Valte.
“Tan-awa ang marginal numbers sa mga rehiyon, diin ang gintang sa sayop plus o minus six points lamang. Sa ato pa, wala gyud mausab ang katagbawan sa Mindanao bisan pa man sa krisis sa enerhiya, ug ang sa Visayas bisan pa man sa linog,” pahayag pa ni Valte.
Matod pa ni Valte, ang findings nagpakita nga ang publiko nakamatikod sa pagpaningkamot sa Presidente nga ma-atendihan ang epekto sa linog sa Visayas ug problema sa enerhiya sa Mindanao.
Sa kaugalingong rating system sa SWS, na-obserbahan sa administrasyon nga miubos ang satisfacting rating sa Presidente gikan sa Very Good ngadto sa Good sa balanseng Luzon ug tali sa Middle Class bisan pa man sa sinultihay sa pagpasaka sa pletehan sa mga pampublikong sakynanan.
“Hinuon, kami nagtoo nga ang mga paningkamot sama sa pagsipa sa Pantawid Pasada, inubanan sa “low inflation” ug naglambong kahigayonan sa agrikultura ug ubang exports, ang sitwasyon makabangon ug mahibalik ang bag-ong katagbawan sa Presidente,” panapos pa ni Valte. (ATR/.PCOO/PIA9-Zambo Norte)
