Mga pangulo sa ASEAN magtuki pagkab-ot sa “usa ka ASEAN community'

By: Gideon C. Corgue

PAGADIAN CITY, April 2 (PIA) –  Ang mga pangulo sa Association of Southeast Asian Nations (Asean) magtuki sa pagkab-ot sa usa ka  Asean community sa 2015 dihang sila ang magtagbo sa Phenom Phen, Camboadia sugod sa Martes alang sa 20th Asean Summit, ang Philippine Ambassador to Cambodia nagkanayon.

Si President Benigno S. Aquino III gilauman nga moabot karong gabii ning adlaw nga Lunes sa Cambodia aron mosalmot sa 20th Asean Summit ug sa iyang ika -45 nga anniversary celebration.

“Seguro gayud ako nga matuki ang tumong pagkab-ot sa ‘One Asean Community.’ Kung kita moingon nga One Asean Community, tulo ka haligi kini nga mao ang Asean Political Security Community; Asean Economic Community; ug Asean Socio-Cultural Community,” si Philippine Ambassador to Cambodia Noe Wong mipahayag sa Radio TV Malacanang (RTVM) sa bag-ohay nga interview.

Adunay mga plano kung unsaon pagkab-ot ang usa ka komunidad sa Asean, ug is Wong nagkanayon nga ang Cambodia, isip chairman, uban sa suporta ug kooperasyon sa mga miyembrong nasud sa Asean, ang mangulo unsaon pagkab-ot ang tumong sa 2015.

Walay tataw nga hisgutan sa nagsinabot nga 20th Asean Summit, si Wong nagkanayon ug nagdepende sa  Cambodia, ang bag-o nga summit chair paghukum sa hilisgutanan.

Apan ang formal schedule sa Presidente uban ang mga pangulo sa Asean ang magtagbo sa Asean Inter-Parliamentary Assembly (AIPA) ug sa Peace Palace human ang pagbuka sa summit sa Martes. Sila usab ang magtigum uban ang Civil Society Organizations ingon man ang Asean Youth Representatives.

Human sa summit, ang Presidente mosalmot uban sa iyang mga counterparts sa 8th Brunei-Indonesia-Malaysia-Philippines East Asian Growth Area (BIMP-EAGA) Summit.

Siya usab ang gikalitd nga makigtigum uban sa mga miyembro sa Filipino community sa Cambodia sa Miyerkoles sa Hotel Sofitel sa dili pa siya mobalik ngadto sa Manila. (GCC/PCOO/PIA9/ZamboSur)