ni Alfonso T. Ruda
DIPOLOG CITY, APR.
28(PIA)---Ang
Pantawid Pamilyang Pilipino Program (4Ps) sa administrasyong Aquino nakalugway
na ug hinabang ngadto sa kapin sa 3 ka milyon ka mga Filipino hangtud sa bulan
sa Marso, samtang padayon niining gipatuman ang mga ekonomikanhon ug katilingbanong
reporma nga nagtumong nga haw-ason gikan sa kapit-os ang kabus nga mga pamilya,
matod pa sa usa ka opisyal sa Palasyo.
Sa
usa ka regular press briefing sa Malakanyang, gipahayag ni Deputy Presidential
spokesperson Abigail Valte nga ang Department of Social Welfare and Development
(DSWD) mitaho nga ang gidaghanon sa mga pamilyang-benepisyaryo sa Pantawid
Pamilyang Pilipino Program miabot na ug 3,029,374.
“Hangtud
niadtong bulan sa Marso 21,2012, miabo na sa 3,029,374 ang pamilyang nalista sa
Pantawid Pamilyang Pilipino Program. Kini 97.56 porsiento sa atong gitarget para
sa 2012,” matod pa ni Valte.
“Sa
kinatibuk-ang panimalay, dunay 7,537,942 ka mga kabataan nga nagpangidaron ug
hangtud 14 anyos nga nasakop sa programa, Katunga niining maong mga panimalay
ania sa Mindanao, samtang 33.96 porsiento nagagikan sa Luzon ug 22.78 porsiento
gikan sa Visayas,” matod pa niya.
Ang
Pantawid Pamilyang Pilipino Program kon Conditional Cash Transfer Program sa administrasyong
Aquino pinaagi sa DSWD nagtumong nga matibhangan ang pag-antus sa mga Filipino
taliwala sa kalibutanong krisis.
Gawas
sa dakong pagsaka sa gidaghanon sa mga pobreng mga batang napatungha, napalambo
usab sa programa ang gidaghanon sa mga batang nahatagan ug imunisasyon ug tukmang
pag-atimang medical sa pa sila matawo.
Gipalapdan
sa gobyerno ang sakop sa programa aron maabot ang daghang kabus nga mga Filipino
nga nagpuyo sa hilit nga bahin sa nasod.(ATR/PCOO/PIA9-Zambo
Norte),
