Aquino midayeg sa Philippine Economic Zone authority pagdala sa dugang mga pamuhunan sa nasud

By: Gideon C. Corgue

PAGADIAN CITY, April 28 (PIA) – Si Presidente Benigno S. Aquino III mipadayag sa bilyones pesos nga bili sa mga pamuhunan nga gibubo sa economic zones sa nasud nga miresulta sa paningkamot ug kahago sa Philippine Economic Zone Authority (PEZA) sanglit kini ang mihatag gibug-aton sa mahinungdanon nga pag-uswag sa pagsalig sa mga tigpamuhunan pinaagi pagdasig kanila nga mobutang ug dugang mga shops ug pagpalapnag sa negosyo.

Sa iyang pakigpulong atol sa ika-17 ka tuig nga Anniversary and Investors’ Recognition Night sa PEZA sa World Trade Center dakbayan sa Pasay ning nakalabay nga Huwebes, si Presidente Aquino nagpasalamat sa mga matinud-anon nga mga tawo sa PEZA sa dagko nga paghidangat sa mga pamuhunan sa nasud  dul-an sa duha ka tuig na ang nakalabay.

“Dihang kita ang nangatungdanan sa buhatan, ang PEZA nakamugna na sa kinatibuk-ang gidaghanon nga 465 bilyones pesos nga pamuhunan . Sa 17 ka tuig  sa  PEZA, kini ang napadayag sa 23 porsiento sa tanang pamuhunan nga gimugna sa nasangpit nga buhatan ug kini ang nahitabo dul-an sa duha ka tuig,” ang Presidente nagkanayon.

“Akong ipadangat ang mga pagpahalipay kang Director Lilia de Lima kinsa nag-amuma ning maong institusyon sama nga kini ang iyang kaugalingon nga anak nga naglihok ug paspas gikan sa mga katuigan sa iyang pagkatawo ngadto sa iyang pagkahingkod ug kini ang naglihok pag-ayo kay sa kaniadto,” matud pa niya.

Ang Presidente misaad nga ang mapadayonong inisyatibo sa kagamhanan pagpalambo sa business-conducive environment pinaagi pagwagtang sa red tape ug  corruption. (GCC/PCOO/PIA9-Zambosur)