Aquino mangulo sa pagtugyan sa housing units sa mga naluwas sabagyong Sendong sa CDO

By: Gideon C. Corgue

PAGADIAN CITY, April 27 (PIA) – Si Presidente Benigno S. Aquino III ang mangulo sa pagtugyan sa Bieyrnes sa bag-o nga natukod nga permanente nga housing units sa mga biktima sa bagyong Sendong sa dakbayan sa Cagayan de Oro.

Ang Presidente moapod-apod sa mga certificates of awards ug certificates of acceptance gikan sa  kagamhanang lokal sa dakbayan sa Cagayan de Oro ug Department of Social Welfare and Development (DSWD) sa 700 nga pamilya nga naglangkub sa pasiuna nga hugna sa mga benepesyaryo.

Ang kagamhanan nagsugod pagrelocate sa mga naapektuhan nga mulupyo gikan sa ‘tent city’ ngadto sa ilang bag-o nga housing units sa Calaanan relocation site ning semanaha.

Ang kagamhanan mihatag prayoridad pagrelocate sa 500 nga mga benepesyaryo ug mobalhin kanila sa Calaanan resettlement Phase 3 sa Canitoan Village. Kini ang naglangkub sa 200 nga mga pamilya gikan sa Bgy. Macasandig kinsa mao ang una nga mga occupants sa Indahag Phase 1 resettlement site.

Ang kalamboan sa relocation site ang nakab-ot pinaagi sa pakigdugtong uban sa DSWD, ang kagamhanang lokal sa Cagayan de Oro ug Department of Public Works and Highways (DPWH).

Ang DSWD mihatag pundo sa katukuran sa mga panimalay samtang ang kagamhanan sa Cagayan de Oro ug DPWH ang mipalambo sa relocation site.

Ang matag-quadruplex housing unit, nga adunay sukod 40 square meters nagbili sa P70,000, matud pa sa DSWD. Ang National Housing Authority (NHA) mitampo sa dugang nga P40,000 uban ang tabang sa Habitat for Humanity.

Gawas sa pagdawat sa permanente nga pinuy-anan, ang mga benepesyaryo ang modawat usab sa livelihood assistance nga nagbili sa P975,000 gikan sa kagamhanan. Ang salapi ipagula pinaagi sa mga kapunungan nga gitukod sa mga benepesyaryo.

Sa maong kantidad, ang kagamhanan naglaum nga ang mga naluwas sa bagyo makahimo sa mga income generating activities sama sa RTWs ug cosmetics, pagbukas sa sari-sari stores, dressmaking, tailoring, longganisa-making ug food processing.