Malakanyang malaumon mahitungod sa mga kahigayonan sa trabaho alang sa mga bag-o nga graduates

by: Gideon C. Corgue

PAGADIAN CITY, March  25 (PIA)—Ang kagamhanang Aquino mihatag kaseguruhan nga ang mga bag-ong graduates ug mga nangita ug trabaho adunay kahigayonan nga makatrabaho sa mga pribadong kompanya human ang mga manufacturing firms nagpakita ug kadasig mga mamuhunan sa nasud. 

Si Deputy Presidential Spokesperson Abigail Valte mipakanaog sa pamahayag sa interview nga gisibya sa dzRB Radyo ng Bayan ning Sabado human sa mga taho nga sobra sa 500,000 tinun-an sa kolehiyo sa nasud gilauman nga mogradwar ning bulan sa Marso.

"Gilauman nga ubay-ubay ang makapangita ug trabaho. Dili lang sa pribadong sektor, Basin mahimo ninyo nga sulayan ang pagpanarbaho sa gobyerno," matud pa niya.

Si Valte ang mitambag usab sa mga bag-o nga graduates ug mga nangita ug trabaho  nga moduaw sa Official Gazette aron mokuha ug impormasyon sa mga bukas nga trabaho alang sa ubay-ubay ka mga ahensya kagamhanan ug mga buhatan. "Ang Official Gazette ang adunay mga bukas nga trabaho alang sa mga nga mosulod sa public service," matud pa niya.

Dugtong pa niya nga ang Department of Labor and Employment (DOLE) mi-andam karon sa ubay-ubay ka mga job fairs tadlas sa nasud ug mitambag sa mga nangita ug trabaho nga mobisita sa philjob.net website. (GCC/PIA-Pagadian)