by Jocelyn P. Alvarez
ZAMBOANGA CITY, Feb. 02 (PIA 9) – - El Zamboanga City Medical Center (ZCMC) ta expecta obtener Nuevo Cobalt Source para substitui el “antigo, media-vida” daan cobalt source que ya servi con el maga pasiente por Dies años hinde lang de Zamboanga, y pati aquellos de serca probinsia tambien.
Este aquisición ya queda posible después el Secretario de Salud Dr. Enrique Ona ya aproba el budget para compra el Cobalt Source por medio del esfuerza del Congresista na Distrito Uno, Beng Climaco-Salazar.
El gobierno national, por medio del Departamento de Salud ay compra con este Dieciséis millones de pesos (P16M) Cobalt Source na Canada y expectao llega aqui na ciudad primera cuarta parte de este año.
El hepe del ZCMC, Dr. Romeo Ong ya abla, mientras ta espera son llegada del Cobalt Source, el Departamento del Radiation Oncology del hospital ya temporariomente suspende acepta nuevo pasiente referao para radiation therapay, pero ya asegura le cay el ocho maga daan pasiente que tiene el departamento ay acaba siempre di ila therapy sesión.
El Cobalt Source amo ta usa na Radition Therapy, es un sistema de cura para na maga pasiente tiene cervical, colon, rectal y breast cancers.
Asegun cun Dr. Ong, el precio del Radiation Therapy ta cay Cuatro cientos pesos (P400) cada session. (JPA / PIA-ZBST)
