de: Jocelyn P. Alvarez
ZAMBOANGA CITY, Jan. 25 (PIA 9) - - Si Vise Presidente Jejomar C. Binay ya anuncia que el Home Development Mutual Fund (HDMF or Pag-IBIG Fund) ya declara tres-mes moratorium na pagada de housing loans para na maga victima de “Sendong.”
Si Binay ta sinta como chairman del Pag IBIG Board of Trustees.
Ya abla si Binay kay el Pag-IBIG Fund, ta continua dale ayuda financial na suyu maga myembro na Mindanao kien ya sale victima del typhoon Sendong pormedio del Calamity Loans.
Mentras tanto, el Pag-IBIG Chief Executive Officer Atty. Darlene Marie B. Berberabe ya abla este tres-mes moratorium que ta dale sila na maga myembro es un manera del Pag-IBIG para ayuda kanila prinsipya otrabes di ila vida y la vida.
Incluwido na moratorium el amortization payments prinsipyando December 16, 2011 asta February 16, 2012.
Maga myembro del Pag-IBIG quien ya sale victima de Sendong, quien maga casa ya sale destrosaw o quien la vida ya sale afectaw, pwede man avail este moratorium program. (JPA / PIA –ZBST)
