ni Franklin P. Gumapon
DIPOLOG CITY, Jan. 5 (PIA) - - Taliwala sa mga taho nga misaka ang gidaghanon sa mga nataptan sa sakit nga leptospirosis didto sa dakbayan sa Cagayan de Oro, mipadala karong bag-o ug dugang doctor ang buhatan sa maayong panlawas gikan sa kauluhan ngadto sa Northern Mindanao Medical Center sa nasampit nga dakbayan.
Gipahayag ni Assistant Secretary Eric Tayag sa maayong panlawas nga mipadala si Secretary Enrique T. Ona ug dugang doctor gikan sa Metro Manila ngadto sa Cagayan de Oro aron motabang pag-atiman sa mga nagsakit sa leptospirosis.
Matud pa ni Tayag nga adunay 85 ka book pasyente sa leptospirosis ang gidala sa tambalanan matag adlaw, ug ang 50 ka book niini ang gi-admit sa tambalan samatang ang uban gitagaan ug tambal ug dayon gipapa-uli ra sa ilang mga pinuy-anan.
Gibana-bana karon nga sa Cagayan de Oro lang mosaka pa ngadto sa 900 ka mga kaso sa leptospirosis.
Ang buhatan sa maayong panlawas naghulat usab karon sa report sa mga tawong nataptan sa maong balati-an gikan sa dakbayan sa Iligan.
Gibutyag ni Tayag nga ang uban usa pa moadto sa tambalanan tulo ka adlaw gikan sa ilang pag-sakit. Hinoon, iyang gipasabot nga adunay daghang tambal batok niini.
Kasagarang nataptan sa maong sakit mao kadtong mga tawo nga napakyas pag-inum sa antibiotics nga gihatag kanila human sa pagbaha sa katarungan nga na-bisi sila ug atiman sa ilang mga kabtangan ug panimalay.
Sa pagkakaron, adunay lima ka book ang kumpirmadong namatay sa leptospirosis sa Cagaya de Oro. (FPG/PIA-Zamboanga del Norte)