by Jocelyn P. Alvarez
ZAMBOANGA CITY, Jan. 26 (PIA 9) - - El Opisina de Salud (City Health Office-CHO) ya anuncia un poco omento de caso de Human Immunodeficiency Virus/Acquired Immune Deficiency Syndrome o que se liama HIV/AIDS na ciudad de Zamboanga.
Asegun cun Dr. Kibtiya Uddin, el opisina ya nota trese (13) caso de HIV/AIDS del año pasaw (2011), un poco alto kumpara na onse (11) caso rehistraw del año 2010.
Ya informa si Uddin, que na trese caso rehistraw, dos de este mujer y onse maga ombre edad disinueve asta cuarenta y dos (19-42) años.
El Opisina ya documenta que el komon transmisyon de este empermedad como pormedio de “male to male sex” o “ombre kun ombre.”
Ya confirma si Dr. Uddin, na trese caso, nueve persona ya kay victima de HIV/AIDS pormedio de “male to male sex.”
Si Uddin ya abla, el gobyerno lokal strikto na monitoring del maga que se liama “night workers” pormedio de conducto del regular medical checkup.
