Edwin L. Diesto
ZAMBOANGA CITY, Nov. 18 (PIA) – Halos katunga sa mga pasyenting adunay Human Immunodeficiency Virus (HIV) sa Mindanao sa pagkakaron kompirmadong nahimo na kining acquired immune deficiency syndrome (AIDS), matud pa ni Alma Mondragon, executive director of Alliance Against AIDS in Mindanao.
“Sa mga kaso sa HIV, hinoon ang katinud-anay depende na lang sa panahon pero sa ngadto-ngadto mahimo ra gihapon kining usa ka sakit nga AIDS” matud pa ni Mondragon.
Sa Davao City may rekord nga adunay 189 ka mga kaso sa HIV, ug adunay 300 ka mga kaso nagagikan sa katibuk-ang Mindanao, basi sa rekord niadtong Sept 30, ning tuiga.
Ang antiretroviral (ARV) drugs maoy galamiton para sa may mga sakit nga HIV, mapugngan niini ang pagkalayat sa virus sa lawas, hinungdan nga mapataas pa niini ang kinabuhi sa may HIV.
May kamahalan ang kantidad ARV, anaa kini sa P70,000 ngadto sa P80,000 ang presyo niini, matud pa ni Kenneth Sadia sa RHWC, usa ka especial unit sa City Health office sa Davao City.
Sa 189 ka mga pasyente na report positibo sa HIV kadaghanan nagagikan sa lain-laing sektor sa industriya, ubay-ubay niini mga lalaki, matud pa ni Sadia, nakuha kini nila sa pakig sex sa lalaki sa lalaki.
Ang Pilipinas nasulod sa top-7 sa mga nasud nga may positibong kaso sa HIV. Pero bisan pa dili gyud daghan ang mga na biktima apan padayon ang trend sa pag-angat. (JPA/ELD/PIA9-Zambo City)
