MANILA, Oct. (PIA) -– Mga senior citizens pagahatagan ug higayon sa pagsakay sa tren nga walay bayad karong Sabado, Oktubre 8, dala kini sa kasaulogan sa Elderly Filipino Week (EFW) nga nagsugod sa Oktubre 1 hangtod sa 7.
Ang Department of Social Welfare and Development (DSWD), mao ang nag-uang ahenisya sa kasaulogan sa EFW uban sa kaabag sa Department of Transportation and Communications (DOTC) ug Light Rail Transit Authority (LRTA) aron ang mga senior citizens makapahimulos sa opportunidad sa pagsakay sa tren nga walay bayad.
Ang libreng pagsakay gitanyag sa Light Rail Transit (LRT) Line 1 (Baclaran ngadto sa Roosevelt) ug Line 2 (Recto padulong sa Santolan) sa tibuok adlaw sa Oktubre 8. Ang mga senior citizens mopakita lang sa ilang valid Office of Senior Citizens Affairs (OSCA) ID aron makapahimulos sa moang espesyal nga tanyag.
Ang LRT linya 1 nagsubay sa Taft Avenue gikan sa Baclaran, Paranaque ngadto sa Roosevelt sa Quezon City samtang ang linya 2 nagsubay sa Aurora Boulevard gikan sa Recto, Manila ngadto sa Santolan, Marikina.
Ang DSWD nagpahigayon ug ubay-ubay ka mga kalihukan gikan niadtong Oktubre 1 aron hatagan ug importansya ang maong kasaulogan.
Ang EFW gisaulog sa matag tuig gikan sa Oktubre 1 ngadto sa 7, subay kini sa Proclamation No. 470 nga gipirmahan ni kanhing Presidente Fidel V. Ramos niadtong Septyembre 26, 1994. Ang maong kalihukan gitumong sa pagdugang sa pagmatngon sa publiko sa nagkalain-laing isyus mahitungod sa sekta sa mga katigulangan. (DSWD/PIA9/CAL/ZamboSur)
